Christ The King Supplies
大家睇左今日嘅福音未？一睇到耶穌說話嘅時候，會唔會覺得耶穌好似同平時好唔同？當福音個位客納罕婦人搵耶穌去幫忙佢𠴱位「被魔鬼糾纏得好苦」嘅女兒，耶穌提到「我被派遣，只是為了以色列家迷失的羊。」同埋「拿兒女的餅，扔給小狗，是不對的。」咁講其實係咩意思？個客納罕婦人又有咩地方值得我哋學習？
首先係「拿兒女的餅，扔給小狗，是不對的」呢句說話入面，兒女係指「以色列家迷失的羊」，餅係代表「天主嘅恩寵」，而「狗」係代表「外邦人」。有釋經學家表示猶太人稱外邦人為「狗」係慣常嘅講法，係因為認為佢哋唔認識主同敬拜邪神，行為唔合乎倫理道德，而耶穌係「狗」前加上「小」字係指寵物而唔係野狗﹐已經係較溫和。
有釋經學家解釋耶穌係試探緊呢位婦人，福音更突出呢位婦人嘅信德，所以連耶穌都讚賞佢嘅信德真大，最後仲醫治好佢個女。有學者解釋瑪竇福音𠴱時嘅對象係由猶太教歸化嘅人，所以呢段福音想教化佢哋一個根深蒂固嘅諗法，就係救恩唔止屬於以色列子民。都有釋經學家解釋開頭耶穌無理呢位婦人係因為覺得時候未到，但最後都俾呢位婦人打動。
呢位客納罕婦人其實有好多值得學習嘅地方，首先係佢有好大嘅信德，其次係佢係好愛錫佢個女，佢唔怕一個外邦女人，喺街上大聲呼喊耶穌嘅幫助，我哋要知道傳統上猶太人唔會同外邦人往來，亦更加唔會同女人咁講嘢，但佢基於佢嘅信德向耶穌求助，呼喊「主，達味之子，可憐我吧！」
願我哋時刻保持信德，持之以恆，向耶穌祈禱：「主，達味之子，可憐我吧！」
香港教區
聖母無原罪主教座堂：https://youtu.be/0Q88lY3J7XE
聖母聖衣堂：https://youtu.be/28WKF-WEJpU
聖母堂：https://youtu.be/GLCdNkDcAP8
進教之佑堂：https://youtu.be/KLBVgzdC-WM
贖世主堂：https://youtu.be/iRJyGVhvqjs
聖歐爾發堂：https://youtu.be/mWwVXwSZiE0
上智之座小堂：https://www.facebook.com/riccihallchapel/videos/691695394891919
聖依納爵小堂：https://youtu.be/1UFMA2mTsUc
澳門教區
聖母聖誕主教座堂：https://youtu.be/dDShOfRQ8dU
#christusrex #christthekingsupplies