top of page

【2020 DSE 公教考生應試法寶💡】

今年DSE終於開考啦!Christ the King Supplies 想同各位DSE考生,特別係公教考生打打氣!一齊畀啲掙扎‼️我地為大家準備左「2020DSE公教考生應試法寶」,大家考試嘅候千祈唔好漏呀!分別係:

1)口罩 2)新舊准考證 3)考生健康申報表 4)身份證 5)文具 6)祈禱、祈禱、再祈禱

第1項-第5項我相信大家都會記得,但第6項唔知大家會唔會太緊張太忙忘記左呢? 知道今年考生會擔心嘅事多左好多,返學學習嘅時間又少左,又驚唔舒服考唔到等等... 當咁多擔心感到無助嘅時候,就更加要祈禱!祈求天主嘅恩寵!祈禱嘅時候仲可以搵考試主保聖若瑟・谷白(St. Joseph of Cupertino)為我地祈禱! 你可能諗做得考試主保,讀書考試一定好叻啦!係...錯嘅!

相傳聖人生性遲鈍,讀書成績好差,開頭試過想入修院但唔收佢!最後轉折入左方濟會(住院會),讀書為佢嚟講係非常困難,但聖人好有聖德,過住神貧同充滿祈禱嘅生活。去到升執事前嘅考試,主教要聖人即時解釋一段聖經,雖然聖人唔叻,但聖人表現出奇地非常出色!另外相傳聖人祈禱時成日會神魂超拔,身體浮係空中,所以聖人仲係太空人嘅主保! 大家係呢段時間要繼續畀啲掙扎努力溫書外,都要有足夠嘅休息,要多祈禱,更加可以請聖若瑟・谷白轉求天主! 各位考生加油!💪🏼💪🏼💪🏼 聖若瑟・谷白,為我等祈! #catholic #churchsupplies #christusrex #christthekingsupplies #hongkongcatholic #macaucatholic #dse2020 #stjosephofcupertino

19 次查看

最新文章

查看全部
bottom of page