top of page

【光榮十字聖架】

天主竟然這樣愛了世界,甚至賜下了自己的獨生子,使凡信他的人,不至喪亡,反而獲得永生。(若3:16)

光榮十字聖架實在充滿奧秘,亦充滿救恩。十字架本為刑架,但主基督係上面為我哋犧牲,戰勝咗死亡,就好似今日頌謝詞咁講:「...你藉著我們主基督的十字聖木,救贖了人類。死亡雖由樹木而產生,生命也因樹木而復蘇。魔鬼曾因樹木而得勝,現在卻因樹木而敗亡...」


死亡雖由樹木而產生,係創世紀中亞當、厄娃食咗知善惡樹嘅禁果,從此帶來了死亡;而生命也因樹木而復蘇,耶穌係十字架上戰勝死亡,以十字聖架,救贖了普世。


同樣係樹木,天主居然可以化腐朽為神奇,非常美妙! 慶祝光榮十字聖架瞻禮歷史悠久,源起自320年9月14日,君士坦丁大帝嘅母親聖海倫娜搵到釘過耶穌嘅十字聖架!


當時聖海倫娜去耶路撒冷朝聖,諗住搵耶穌嘅足跡,並叫人係聖墓附近挖掘,諗住搵釘過耶穌嘅十字聖架,但最後搵到三個十字架!


聖海倫娜同當時耶路撒冷主教相信三個十字架係釘過耶穌及左、右盜嘅十字架,聖海倫娜祈求天主俾佢搵到真正嘅十字聖架,之後搵嚟一位垂死婦人,分別放佢係三個十字架上,當放到第三個時,婦人立即痊癒,就知道呢個係真正嘅十字聖架!


加上係335年9月14日開始係聖墓大殿將十字聖架供人瞻仰!再加上之後係628年由波斯人手上奪回被劫走嘅十字聖架,亦加埋落去一齊慶祝!


係天主偉大愛情當中,我哋可以做嘅就係於生活中仰賴天主,時刻好似今日進堂詠咁頌讚耶穌基督為我哋帶來嘅救恩:「我們只以我們的主耶穌基督的十字架,來誇耀,因為基督是我們的救恩、生命和復活;藉著他,我們才得到釋放和自由。」 #光榮十字聖架 #聖十字架 #天主教 #exaltationoftheholycross #holycross

#catholic #churchsupplies #christusrex #christthekingsupplies

#hongkongcatholic #macaucatholic

#liturgy #sacredliturgy

22 次查看

最新文章

查看全部
bottom of page