首先我哋向Christ the King Supplies嘅一眾青年觀眾、隸屬慈幼會嘅聖類斯中學、澳門明愛嘅聖類斯公撒格之家至可愛各位同仁致候，望上主嘅恩寵常在你哋身上。
．
好耐同大家介紹聖人喎 :') 今日同大家介紹青年主保聖類思公撒格。
．
講返聖人先，聖人1568年出生於意大利隆巴底貴族，細細個已經一心歸向天主。有一次，聖人見到當時富貴人家嘅淫逸奢侈生活，非常痛恨，就聖母像前發咗個終身守貞嘅願。17歲嗰時雖然受父親力阻，堅持將爵位讓俾弟弟，自己去羅馬入耶穌會修道。當聖人一入到佢喺修院嘅睡房時，好興奮咁講：「這是我永遠的安息之所，這是我所選擇的處所，我要永遠住在這裡。」（聖詠131：14）
．
23歲時羅馬發生瘟疫，聖人因為照顧病人都受到感染。喺病情危殆嗰幾個月入面，聖人雖然臥病在床，但每晚都喺床度爬起身跪喺苦像前面默禱。佢之後獲得神示，知道自己會喺耶穌聖體瞻禮後第八日死。到咗耶穌聖體瞻禮後第八日，當夜聖人定睛注示苦像，口中不斷重複咁念住耶穌聖名咁樣含笑安逝。
．
教宗本篤十三世立佢為青年的主保，希望我哋各位青年都能夠欣賞聖人嘅德表，有住一顆為一切事情都向著天主嘅心，用純潔嘅生活嚟到事奉天主。
．
共勉之
．