經過上年無得領聖灰嘅聖灰星期三，今年又係特別嘅一年，因為今年香港教區係可以領聖灰但仍未有公開彌撒。
．
教區早前出咗一份「疫情下為堂區的一些特殊牧民措施」，當中提到「 堂區可按宗座禮儀及聖事部本年1月12日公布的《疫情期間聖灰星期三撒放聖灰備註》，舉行『送聖體及聖灰簡單儀式』...」，可以參考
．
另外，教區今年提出「 本年聖灰禮儀日（二月十七日）適逢農曆年初六，按照教區守則，信友是日免守大小齋，但為履行四旬期真誠悔改皈依的精神，信眾必須各自選擇其他適當的克己方式，或履行一些愛德善工。」
．
雖然今日係免守大小齋，但唔係唔俾你守齋呀！！!
．
可以的話，大家都可以繼續守大小齋！而且善工唔怕做多得，鼓勵大家同時都可以係生活上實踐愛德呀！
．
Christ the King Supplies仝人祝大家身體健康、平平安安、主寵日隆！
．
所謂假又放完，錢又使晒，工又要返。雖然今日係年初五，但係呀香港琴日係公眾假期，所以各位打工仔今朝早都係「年初四咁嘅樣」。
．
特意邀請教宗方濟各嚟旺一旺個群先幫各位打工仔打打氣精神呀
．
聖誕節後嘅第40日（二月二日）就係獻主節，為教會其中一個最古老嘅節日。按照舊約法律嘅規定，每一個首生嘅男嬰都係屬於天主，母親需要等待四十日嘅潔血期後，透過祭獻將兒子贖回。
． 獻主節讓我哋重溫主耶穌基督降生成人嘅奧秘，耶穌同我哋分享佢嘅天主性，幫助我哋戰勝誘惑同罪惡。 ． 教宗聖若望保祿二世喺1997年亦確立呢日係全球修道者奉獻日，為遵守神貧、貞潔同服從三聖願， 並且將自己嘅生活奉獻畀天主嘅人士祈禱。 ． 今日想同大家介紹一位以一生奉獻俾天主嘅修道人，佢就係獻主會胡頌恆神父，胡神父有「廟街神父」之稱，佢住係廟街劏房，一直致力幫助無家者及難民。神父曾係探監時發現有好多人由非洲販毒嚟香港，亦發現有好多毒梟係後面操控，佢好想改變呢件事，佢特登去廣州、泰國和馬來西亞等地調查毒梟嘅資料，將囚犯信件、犯罪集團操縱者嘅資料放上網，警惕及提醒人唔會以身試法，神父嘅行為實在值得敬佩。 ． 胡神父將於3月開始係聖保祿堂做副本堂，我哋今日特別為胡神父祈禱，祈求天主保守他，讓他繼續有精神有力量，以言以行為主作證，都讓我哋係生活中效法胡神父為人服務嘅精神。
圖片來源：眾新聞
.
#天主教 #信仰 #禮儀 #聖母 #聖物
