適逢今日係聖若望·鮑思高神父嘅瞻禮日，即管講一個小故事。 ． 話說6-7年前，小編R呢仲讀緊慈幼會學校，有一日如常返學開早會，全校係操場集隊。 ． 咁啱校監N神父嗰日嚟咗學校講幾句訓勉啦，聽聽下：「鮑神父九歲嗰陣呢發咗個夢.....鮑神父乜、鮑神父勿......」
． 係下面集隊嘅小編R即刻醒一醒，聽到一頭霧水。咩鮑神父呀可以咁嗌嘅咩咁方濟各都可以叫方教宗啦 ． 之後諗返，呢位校監可能想貼地啲，就叫咗鮑思高神父做「鮑神父」。 ． 自從呢位N神父咁叫之後，有時小編R都會叫鮑思高神父做「鮑神父」
.
大家好，好似已經有一陣冇同大家介紹過聖人，今日講講嚟過香港嘅聖人－聖福若瑟。
.
福若瑟神父，聖言會傳教士，1879年去中國傳教，第一站－去香港學中文（+服務）！聖人嚟到香港就去咗有教友村之稱，亦都係稱得上天主教喺香港發源地嘅鹽田梓服務。
.
福若瑟神父喺書信度提到佢哋嘅生活，形容當時嘅食物並不充裕：「我們的飯餐包括：清早一杯黑咖啡，間中也會有一片麵包；九點半有白飯和魚果腹；下午四時半再有白飯和魚，之後什麼也再沒有。我也頗喜歡這樣的安排…這樣淡薄的生活肯定是升天堂的捷徑。我在這裡雖一無所有，但我並不怕捱饑抵渴，而且還生活在外教人當中。天主召我到中國傳教，我實在感激不已…我漸漸變成中國人了。這語言十分難學，在天主的助佑下，我定會學到。」
.
感謝福若瑟神父，佢唔怕艱辛、淡薄、捱饑抵渴咁將天主嘅國帶到嚟植根香港，我哋相信香港人不會，亦不屑坐享其成呢等行為，我哋相信每位教友都會繼續以自己嘅方式去拓展天主的國。共勉之。
.
《救恩史》一共有三本📚，分別係《以色列時代》、《耶穌時代》及《教會時代》。上回同大家分享左《以色列時代》，今次就輪到介紹下《耶穌時代》。
．
呢本書不單止係第一冊嘅延續，更可以話係整個系列嘅高峰。因為耶穌嘅降生到死亡就係為左救贖世人免於罪惡嘅核心人物。呢本《耶穌時代》分析咗四部福音，從不同角度🔎、圖文並茂去話俾我哋聽天主對我哋嘅救恩計劃係點樣。
．
喺呢個疫症橫行、社會道德是非顛倒嘅黑暗時代，我哋更加要買入呢個一套三冊嘅《救恩史》，去堅定我哋嘅信仰，黑暗過後，黎明將至🌅，期望天主嘅救恩不遠矣。 . 想購買呢套精神食糧🍞，歡迎㩒下面條link👇🏻 https://www.christthekingsupplies.com/product-page/%E6%95%91%E6%81%A9%E5%8F%B2%E7%AC%AC%E4%BA%8C%E9%83%A8-%E8%80%B6%E7%A9%8C%E6%99%82%E4%BB%A3
.
#天主教 #信仰 #禮儀 #聖母 #聖物
