話說，Christ the King Supplies 已經登陸MeWe啦！
.
唔好講咁多，大家即刻去follow啦！
.
.
呀，仲有，我哋都登陸埋Signal，號碼係+852 56153609。
.
有任何查詢，歡迎用Signal同我哋聯絡～
.
呀，仲有，仲有，大家當然要睇埋我哋網站喔。
.
.
top of page
搜尋
係1月11號，教宗方濟各決定修改天主教法典第230條第一項。 . 個段法典嘅原文係：「男性平信徒，凡具有主教團所規定的年齡及才能者，得依禮儀規定擢升為固定的讀經及輔祭之職；但此職務之授予，並不包括由教會供給生活補助或報酬。」 . 根據教宗最新嘅手諭 Spiritus Domini，以上法典入面嘅「男性平信徒」會改為「平信徒」，即日生效。 意思即係，女平信徒都可以領讀經職（Lector）同輔祭職（Acolyte）！ . 你可能會問，平時堂區都有女輔祭或女讀經員啦？咁又有咩特別呢？
. 要知道呢度指嘅職務係固定（重點：固定！）嘅讀經職、輔祭職，同平時堂區定期派遣嘅輔祭同讀經員唔係一樣嘅野（例如：已領受輔祭職嘅人，除咗服務祭台之外，有需要嘅時候可以分送聖體，甚至係特殊情況中，輔祭員可被委派明供聖體、將聖體置回）。 . 喺梵二之前，有一啲稱為「小品」嘅職務，包括「守門」、「讀經」、「驅魔」及「輔祭」，教宗保祿六世自動宗座詔書《某些職務》(Ministeria quaedam)都有提到呢啲職務「逐漸被看作是接受聖秩的準備階段」。而係梵二之後，主要保留咗「輔祭職」（Acolyte）及「讀經職」（Lector），而現時升執事前亦都需要先領受呢兩種職務。 . 呢個改變唔知會帶嚟咩影響，但我哋好需要繼續為教會、為教宗祈禱。 . （小編有個問題，睇下有無人解答到：其實香港教區有無教友唔係為咗準備升執事，但有領受讀經職或輔祭職？）
Reference: http://www.vatican.va/.../papa-francesco-motu-proprio... https://www.catholicnewsagency.com/.../pope-francis... http://catholic-dlc.org.hk/ministry2013-01.pdf
.
由尋日主受洗節開始，又番嚟常年期啦。 . 綠色喺常年期嘅禮儀顏色。綠色，大家會聯想到咩？小篇第一時間就諗到花草樹木同埋頌恩恩入面其中一首歌 《這是天父世界》入面其中一句 「花草樹木 穹蒼海洋 全靠父所造成」。呢個時間，禮儀使用嘅顏色會令我地聯想到到成長、生命同希望等等.. .
喺呢個時間，我哋 CKS 就為大家介紹《心靈語主》系列啦！《心靈語主》嘅作者係方濟‧費南德斯（Francis Fernandez Carvajal）神父，佢係一位西班牙嘅主業團神父。神父有羅馬天使大學教會法博士學位，佢嘅牧靈工作以大學生為主，並寫過好多唔同嘅靈修著作，而《心靈語主》就係其中一本。《心靈語主》係全球各地已經售出超過200萬套，並翻譯成唔同嘅語言包括英文、法文、意大利文、葡萄牙文，德文等等，並由清泉出版社出版中文版！ . 《心靈語主》系列釋經書總共有九本，分為甲年主日釋經／乙年主日釋經／丙年主日釋經／將臨期．聖誕期主日及慶節釋經／四旬期．復活期主日及慶節釋經／聖人慶節釋經（一月至四月）／聖人慶節釋經（五月至六月）／ 聖人慶節釋經（七月至八月）／聖人慶節釋經（九月至十二月），九本書已經包晒咁多個主日、節日同埋聖人瞻禮嘅讀經釋經。 . 踏入常年期，希望大家可以從睇彌撒讀經嘅釋經書，去反思天主聖言，一齊成長！ . 《心靈語主》系列九本書已經登陸Christ the King Supplies網購平台啦！九本書係分開購買，大家可以選擇想買嘅甲、乙、丙年主日或者唔同節期、聖人慶節！快啲去我哋網站選購啦！
.
#天主教 #信仰 #禮儀 #聖母 #聖物
bottom of page