成日講要成聖、要做聖人，感覺好遙遠好似現代人要成為一個聖人係遙不可及嘅事？今日講講一個同大家好接近嘅聖人，一個當年喺我哋好近嘅地方生活過嘅聖人，我哋教會偉大嘅傳教士、傳教區嘅主保 － 聖方濟各沙勿略。
聖人係耶穌會士，當日由葡國里斯本出發，到印度、日本傳教，最後死喺附近嘅上川島，聖人嘅手肱骨亦都存放咗係澳門嘅聖若瑟修院。
今日想帶出嘅信息係：記得成聖並唔係我哋想像得咁遙遠，就趁今日勉勵一下大家為我哋各人成聖嘅道路而努力。
圖為葡萄牙里斯本嘅發現者紀念碑(Padrão dos Descobrimentos)，紀念碑上有眾多唔同航海時代嘅人物石像，而當中亦有聖人嘅身影。
嘩！今日真係要同大家講句新年快樂呀！因為今日係將臨期第一主日，即係新嘅禮儀年開始。今日開始讀乙年讀經，大家要記住啦！
耶穌係今日係福音咁話「你們要當心，要醒寤，因為你們不知道，那日期什麼時候來到。」的確，過去一年相信大家都過得好不一樣，日常生活唔在講，就好似係禮儀生活，之前一段長時間無得實體參與彌撒要神領聖體，連聖週都隔住個mon參與。種種經驗都話俾我哋知可以返聖堂參與彌撒聖祭都唔係必然。
我哋真係要醒寤啦，我哋過去所謂安穩嘅生活唔係必然㗎，同樣我哋都唔知基督幾時再來，但我哋知道，唯獨靠近主耶穌先會有真正平安及福樂。所以，係時候要醒寤啦！
#天主教 #信仰 #禮儀 #聖母 #聖物
