「因為我的思念，不是你們的思念，你們的行徑，也不是我的行徑：上主的斷語。」
今日福音講「僱工的比喻」，如果冇參與到彌撒，你又會唔會記得呢個比喻呢？唔記得唔緊要，我哋喺度recap一下。 一個家主晨咁早六點鐘就出去搵人去自己嘅葡萄園嗰度工作，隔幾個鐘又出去搵人去自己嘅葡萄園嗰度工作，再隔幾個鐘又再出去搵人嚟自己嘅葡萄園工作，去到臨收工前再去多次搵人去自己嘅葡萄園工作，晨早嗰一批人同臨收工前搵返嚟嗰批人所領到嘅工資係一樣嘅，都係一個德納，你有冇替第一批人唔抵？
有或者冇都唔緊要，因為讀經一都已經講咗上主嘅思念唔係我哋嘅思念，上主嘅行徑亦都唔係我哋嘅行徑。只不過，如果我哋眼紅上主對其他人好，優待其他人，呢樣嘢問題就大。首先福音講咗家主對第一批人同最後一批人講嘅工資都一樣，呢個家主冇虧欠到任何人。耶穌用呢個比喻警醒我哋：點解天主唔可以按照自己嘅意思去用祂嘅財物、人點解要用嫉妒嘅眼光去睇天主嘅慈悲？
我哋要記得：天主係慈悲嘅、係公義嘅、係大公嘅。但願我哋都可以喺生活入面活出呢一份特質，好等其他人喺我哋身上認出天主嚟。
【延伸閱讀】
上個主日同今日福音都有講過德納呢樣嘢， 大家想知道多啲的話，不妨撳入去下面觀塘聖若翰堂嘅facebook page了解一下：
香港教區
聖母無原罪主教座堂：https://youtu.be/eSupp5g4QRg
聖母堂：https://www.facebook.com/1569619813114035/videos/323161705437634/?vh=e&extid=hXLbcJn1p6lO9evE&d=n
上智之座小堂：https://youtu.be/2VdFvbLdoLA
聖依納爵小堂：https://youtu.be/QtOzojMhJSo
澳門教區
聖母聖誕主教座堂：https://youtu.be/i9hKi59vzS0
