讓我們以愉快的心情，慶祝童貞聖母瑪利亞的誕辰，因為正義的太陽、我們的主基督由她而出生。
我哋懷著愉快嘅心情嚟到慶祝聖母誕辰瞻禮，我哋特別向澳門聖母誕辰主教座堂堂區各位神長同教友請安，願上主與你們同在。
今日我哋學少少嘢吖，今日係一個特別嘅日子，特別在於教會好少會慶祝生辰。教會從來傳統都係慶死不慶生，因為生命嚟到世上嘅一刻就受到原罪嘅束縛，死亡係進入天國嘅一刻，進入天國先施值得慶祝。但係教會有三個例子去慶祝生辰：耶穌聖誕、聖母誕辰、聖若翰誕辰，呢個係關乎到原罪嘅問題。耶穌係天主聖子，當然無原罪，聖母始胎無染原罪又係當信道理，至於聖若翰，聖母往見伊撒伯爾嗰時耶穌就寬免咗佢嘅原罪。
今日少少啲學住咁多先，下次再同大家分享吖。
人係群體動物，只要有人嘅地方就必定產生人事問題。不論係家庭、教會小團體，教區，香港定世界，每日都上演住人與人嘅衝突同矛盾。恰巧，天主透過今日嘅讀經提醒我哋應該點樣待人接物。
讀經一提醒我哋要為公義發聲，見到到有惡人惡事，要嘗試勸勉佢哋改邪歸正，千祈唔好以為沉默就可以置身事外。如果我哋無發聲，我哋一樣無做好先知職務。
讀經二集中講「愛」。點樣去表達出愛？唔係將「我愛你」掛係口邊就得，仲要付諸行動。設身處地係他人角度出發，將最好嘅同他人分享，要自愛才懂得愛人。所有嘅誡命都係源於愛。
福音教曉我哋學懂尊重。若他人犯罪，應給予尊重，係私下勸諫，切勿公然直斥其非。若他人依舊故我，才公開規勸。
小編仍然抱住希望，願意相信「惡人會因自己罪惡而喪亡」，而我哋只要努力遵從基督教誨度信徒生活就必得救。
香港教區
聖母無原罪主教座堂：https://youtu.be/7nqKYT-mkAM
上智之座小堂：https://youtu.be/QRf4ek9h8d0
聖依納爵小堂：https://youtu.be/2qDemM7fw7I
澳門教區
聖母聖誕主教座堂：
上主，求你憐憫我，因為我整天呼求你。上主，你良善又仁慈；凡呼號你的，你必寬待他。
記唔記得上星期福音講咩？上個星期福音講耶穌讚伯多祿曉得答耶穌：你是默西亞，永生天主之子。今日福音再延伸少少，講耶穌呢位君王將要承受嘅苦難，隨即再鬧埋伯多祿係阻頭阻勢嘅撒殫。或者當日耶穌同你或者我透露佢將要承受嘅苦難，我哋嘅反應大抵都同伯多祿一樣，出自愛護耶穌咁勸佢唔好去受呢啲苦。但係確實，天主喺背後嘅計劃往往係我哋難以所想像嘅。不過，既然耶穌都係福音入面為我哋做咗一個榜樣，就讓我哋都背著自己的十字架，跟隨耶穌去體會「天主的事」。
香港教區
聖母無原罪主教座堂：https://youtu.be/z-HSZeVaVC8
上智之座小堂：https://www.facebook.com/266429720114509/posts/3321322894625161/?vh=e&extid=XKOgy6QAypwos7Rl&d=n
聖依納爵小堂：https://youtu.be/Da9Hn2Hp64U
澳門教區
聖母聖誕主教座堂：https://youtu.be/qZDCZEa-oGY
#天主教 #信仰 #禮儀 #聖母 #聖物
