今日嘅福音耶穌問宗徒：你哋話我係邊個？我哋一齊重溫一下夏主教喺17年嘅時候嘅講道。
夏主教喺講道開始時問「耶穌是誰」呢條問題對咩人有意義。佢話耶穌知道呢條問題問啲九唔搭八嘅人根本冇意義，呢一班人大可以唔經大腦就咁copy and paste人哋嘅答案嚟hea答耶穌。耶穌問嘅係嗰班同佢一齊生活咗好耐、認識咗耶穌好耐嘅宗徒，為佢哋嚟講呢條問題先至問得出個意義： 就係「耶穌是誰」呢條問題點樣影響咗一班宗徒嘅價值觀、原則、態度，教佢哋點樣去帶領埋其他人一齊走上一條信仰之路。
我哋要記得，我哋並唔係嗰班九唔搭八嘅人，我哋嘅價值觀、原則、態度都係受到「耶穌是誰」呢條問題所影響、引導。希望我哋可以喺生活同埋社會上面show到畀人睇我哋嘅良知係反應住一套點樣嘅價值。
香港教區
聖母無原罪主教座堂：https://youtu.be/sZyabcGxzBI 聖母聖衣堂：https://youtu.be/vjq0RAFX17s
聖依納爵小堂：https://youtu.be/HAT_TGHFoM8
澳門教區
聖母聖誕主教座堂：https://youtu.be/goD3jXyAhH8
大家睇左今日嘅福音未？一睇到耶穌說話嘅時候，會唔會覺得耶穌好似同平時好唔同？當福音個位客納罕婦人搵耶穌去幫忙佢𠴱位「被魔鬼糾纏得好苦」嘅女兒，耶穌提到「我被派遣，只是為了以色列家迷失的羊。」同埋「拿兒女的餅，扔給小狗，是不對的。」咁講其實係咩意思？個客納罕婦人又有咩地方值得我哋學習？
首先係「拿兒女的餅，扔給小狗，是不對的」呢句說話入面，兒女係指「以色列家迷失的羊」，餅係代表「天主嘅恩寵」，而「狗」係代表「外邦人」。有釋經學家表示猶太人稱外邦人為「狗」係慣常嘅講法，係因為認為佢哋唔認識主同敬拜邪神，行為唔合乎倫理道德，而耶穌係「狗」前加上「小」字係指寵物而唔係野狗﹐已經係較溫和。
有釋經學家解釋耶穌係試探緊呢位婦人，福音更突出呢位婦人嘅信德，所以連耶穌都讚賞佢嘅信德真大，最後仲醫治好佢個女。有學者解釋瑪竇福音𠴱時嘅對象係由猶太教歸化嘅人，所以呢段福音想教化佢哋一個根深蒂固嘅諗法，就係救恩唔止屬於以色列子民。都有釋經學家解釋開頭耶穌無理呢位婦人係因為覺得時候未到，但最後都俾呢位婦人打動。
呢位客納罕婦人其實有好多值得學習嘅地方，首先係佢有好大嘅信德，其次係佢係好愛錫佢個女，佢唔怕一個外邦女人，喺街上大聲呼喊耶穌嘅幫助，我哋要知道傳統上猶太人唔會同外邦人往來，亦更加唔會同女人咁講嘢，但佢基於佢嘅信德向耶穌求助，呼喊「主，達味之子，可憐我吧！」
願我哋時刻保持信德，持之以恆，向耶穌祈禱：「主，達味之子，可憐我吧！」
香港教區
聖母無原罪主教座堂：https://youtu.be/0Q88lY3J7XE
聖依納爵小堂：https://youtu.be/1UFMA2mTsUc
澳門教區
聖母聖誕主教座堂：https://youtu.be/dDShOfRQ8dU
首先想係度祝各位聖母蒙召升天節快樂！大家要記得今日為教會禮儀年曆唔係簡單，今日係一個節日，為我哋嚟講係一個大日子！仲有好多國家會定今日係公眾假期！ 講返少少歷史，其實呢個節日最早可以追溯自第五世紀，個時係耶路撒冷前往白冷路附近有個地方逢8月15號就慶祝「瑪利亞天主之母」節。之後耶路撒冷慢慢將呢個節日變為「聖母安眠節」（Dormitio），到之後傳左入羅馬，之後搵到當時有唔同嘅禮書係話呢日慶祝「聖瑪利亞生辰」（生於天上嘅紀念日）、「聖瑪利亞安息節」或「瑪利亞蒙召升天節」。 到中世紀時期唔同神學家就有唔同嘅論述，例如聖多瑪斯提到出於土而歸於土嘅咒詛不牽涉瑪利亞，因為佢嘅靈魂肉身係一齊蒙召升天。直至去到1950年教宗碧岳十二世 (Pius XII)頒佈《廣賜恩寵的天主》憲章，正式確立聖母蒙召升天為信理：「無原罪的天主之母，卒世童貞瑪利亞，在完成她的塵世之旅後，靈魂肉身一起被提昇至天國的光榮裡。」 今日聖母蒙召升天節為我哋教友係一個好重要嘅提醒，榮休教宗本篤十六曾經係其中一次講道咁講：「聖母升天節讓我們想起瑪利亞的生活就像每一位基督徒的生活一樣，是一個追隨耶穌的旅程，這是一個有明確目標，並指明未來方向的旅程：那就是徹底戰勝罪惡和死亡，以及與天主保持完全共融的旅程。」咁我哋係生活中要繼續記住呢個目標！ 同場加映，小編早幾年去過葡萄牙，咁當中都發現左有啲地方係關於聖母蒙召升天嘅，咁就同大家開心share吓啦：
圖1：係Óbidos城鎮嘅街上發現聖母蒙召升天嘅蹤影 圖2：係波圖嘅「聖母安眠」聖像 圖3：係Évora一個耶穌復活+聖母升天祭台 圖4：都係Óbidos嘅一間聖堂嘅天花上 #聖母蒙召升天節 #聖母升天節 #聖母 #SolemnityoftheAssumptionofMary #AssumptionofMary #Dormitio #catholic #churchsupplies #christusrex #christthekingsupplies #hongkongcatholic #macaucatholic #天主教 #一站式天主教網購平台
#天主教 #信仰 #禮儀 #聖母 #聖物
