今日三篇讀經主人翁共通點都係遇到一啲挫折；讀經一嘅先知厄里亞因為懲治假先知一事而被追殺；讀經二嘅聖保祿努力福傳卻不能令自己民族嘅人信主；福音中伯多祿步行水面遇風浪即下沉。
現實中，我哋好多時都會面對呢啲挫折，我哋又點樣抓緊信仰去度過困境？我哋係困境中會經常質疑天主嘅臨在，抱怨天主為什麼唔黎幫我哋，點解不公不義嘅事仲係不斷發生緊？天災人禍從不間斷，點解天主不憐憫我哋？
天主透過讀經一話我哋知，衪是風就如空氣一樣一直存在。我哋像伯多祿般開始遇到風浪驚惶失措時，一呼求耶穌，耶穌就伸手拉起我哋，話我哋知：「放心！是我。不要怕！」（瑪 14:27）
小編不擅辭令，鼓勵大家睇返夏主教2017年8月13日講道http://hkcccl.org.hk/page/homilies/YearA42-BH-O19.pdf
就如一股清泉洗滌心靈，又似一支強心針讓我哋係今時今日嘅逆境中繼續前進。
香港教區
聖母無原罪主教座堂：https://youtu.be/4Q86KdEnnW4
澳門教區
聖母聖誕主教座堂：https://youtu.be/KX_mQ_voU2A
大家好今天是聖母大殿奉獻日讓我們看看這個紀念日的由來厄弗所大公會議（431年）曾宣布聖母為天主之母的信道後來教宗西斯篤三世（432至440年）在羅馬之艾斯奎里山丘上建立大殿一座以恭敬天主之母日後該殿即稱為「聖母大殿」這是西方教會奉獻於童貞瑪利亞的最古老聖堂。
ok行嘢講完，我哋聽返啲有趣啲嘅嘢好冇？上面都講咗嘅，今日係聖母大殿奉獻日，咁有咩特別好講呢？有個浪漫啲嘅 version講畀你聽。
在很久很久以前，在羅馬有一位名叫若望的貴族。他跟他的太太一起非常恩愛、非常有錢、不過冇仔。他們很愛天主，但又很有錢，所以打算將自己的家產都貢獻給聖母，求聖母給他指示應怎樣用去他們的錢。他們日又求夜又求，求聖母給他指引，終於聖母在8月4日晚上給他們報夢，說要他們給聖母起一座教堂，至於地點，去到山上面見到有雪那處就對了。他們第二朝醒來便立刻告訴對方昨晚的夢，不過由於當時教導不要隨意相信夢境，所以他們立即做的事，並不是上山，而是去找他們的神師，which is當時的教宗，哇！唔講由自可，一講先赫然發覺，原來聖母昨晚亦都有給他報夢，內容亦是一模一樣的呢！三人即刻嗱嗱聲動身上山。羅馬的八月天時，非常之熱，他們三人一上到山便立即找到了一大笪雪地，大得足以在上面建造一座教堂，於是就在那裏建造了聖母大殿。
講多樣好靚靚嘅事情畀你聽，話說每年8月5日聖母大殿開彌撒去到光榮頌嗰陣時會放好多白色花瓣落嚟，做到好似落雪咁。
再講多樣嘢你聽。聖路加你識啦，相傳佢畫咗幅聖母聖像畫(Icon)，而家就係放喺聖母大殿入面，叫羅馬人民救援之母。
基本上今日嘅post要介紹嘅多已經介紹完㗎啦，不過呢，好嘢我哋唔怕畀人睇，有興趣嘅即管再睇埋下面一段。
話說當年大聖額我略做教宗嗰陣羅馬發生瘟疫喎，同而家我哋情況好相似啦，冇人敢出街，另外當時仲冇人敢照顧病人、冇人敢埋葬病人。教宗用盡方法去幫助呢一個疫情，去到最後佢叫曬所有未受感染嘅人，一齊帶住呢一幅相傳係聖路加所畫嘅羅馬人民救援之母聖像畫去巡遊。咁大隊一路行到去河邊哈德良個墓前面條橋，忽然成班聽到有天使唱歌，唱一首你同我都應該識、每年都會唱嘅Regina Coeli，仲要呢，佢哋一路唱，教宗一路見到總領天使加俾額爾喺城堡上面將佢把劍收返入鞘，示意疫情會完結。咁之後疫情當然亦都完結咗啦，而哈德良個墓之後亦都叫做Castel Sant’Angelo, 聖天使城堡。
再按：我哋為肺炎疫情同埋黎巴嫩爆炸入面嘅死傷者祈禱，求羅馬人民救援之母護佑。
#聖母大殿 #StMaryMajor
#雪地聖母 #OurLadyoftheSnows
#羅馬人民救援之母 #SalusPopuliRomani
今日福音講五餅二魚，相信大家冇乜人會
唔識，所以就重溫一下六年前教宗方濟各對五餅二魚呢個奇蹟嘅講解。教宗話耶穌藉著五餅二魚去傳遞三個訊息：憐憫、分享同埋感恩祭。
第一個訊息: 憐憫
耶穌動咗憐憫嘅心，呢個憐憫嘅心唔等於同情，呢一個憐憫嘅心係一顆同理心。耶穌唔要將人睇低，佢兼顧埋人嘅尊嚴。
第二個訊息: 分享
同咗憐憫嘅心之後仲要付諸行動， 五餅二魚就係藉著分享先至餵得飽五千人。教宗話呢個唔係一個魔術，而係一個標記，呢一個標記教我哋要信賴天主。
第三個訊息: 感恩祭
耶穌就係喺感恩祭入面嘅「永恆生命嘅麵餅」， 凡係去參與佢嘅感恩祭嘅人都應該帶住憐憫同埋分享之情。教宗話邊個參與感恩祭但係又唔憐憫窮人，不同佢哋分享，就係與耶穌相處不來。
香港教區
聖母無原罪主教座堂：https://youtu.be/wM6HclZTqQ0
澳門教區
聖母聖誕主教座堂：https://youtu.be/xIiw1szivPg
#天主教 #信仰 #禮儀 #聖母 #聖物
