【聖週四 主的晚餐】

今日係聖週四，逾越節三日慶典由今晚嘅主的晚餐彌撒開始，至到復活守夜禮達到高峰，並以復活主日嘅晚禱結束。

係主的晚餐彌撒入面，我地紀念三件耶穌基督比聖教會嘅禮物，分別係建立聖體聖事、建立聖秩聖事，同埋要我地彼此相愛嘅誡命。睇下今晚福音嘅第一句：「在逾越節慶日前，耶穌知道：他離此世歸父的時辰已到；他既深愛世上屬於自己的人，就愛他們到底。」(若13：1)就知道耶穌幾愛我地，唔係普通嘅愛而係「愛到底」！耶穌知道佢嘅時候就到，就係晚餐入面幫宗徒洗腳，仲建立左聖體聖事。我地對主耶穌嘅愛又點呢？平時有無去感恩天主對我地嘅愛？又有無因為疫情令我地無得返聖堂而有影響呢？

雖然我地今晚無得係聖堂參與彌撒，但大家都唔好忘記今日紀念呢三件珍貴嘅禮物！我地今日唔可以領聖體聖事，但大家都記得要睇彌撒直播同神領聖體！今日亦都想邀請大家為所有神職人員祈禱，特別為最近感染武漢肺炎嘅神職人員祈禱，求天主特別看顧他們，並賜佢地健康和平安。雖然而家無乜機會見到神長，但大家亦都要關心自己堂區神父同埋其他神父，另外如果能力許可下都要繼續捐獻你地嘅堂區同埋捐助有需要嘅人士或團體！ #catholic #churchsupplies #christusrex #christthekingsupplies #hongkongcatholic #macaucatholic #liturgy #sacredliturgy #holyweek #paschaltriduum #holythursday #maundythursday

【聖母領報】小編按：必睇‼️

雖然常常遇上四旬期及聖週，使日子不能每年相同，但並無減損聖母領報這大瞻禮的隆重和重要。教會每年慶祝這瞻禮，視之為天主拯救的關鍵時刻，是我們的天主降生成人的一刻。沒有這一刻，就無救恩可言。可是，沒有聖母，同樣沒有救恩可言。

天主為甚麼揀選聖母呢？固然是天主在創世之時已經預定，可是總有一些特點吧！聖母自己告訴我們，「天主垂顧了祂婢女的卑微」。卑微，也就是謙遜，是聖母吸引天主的原因。在天主前，我們本就甚麼都不是。沒有天主，我們甚麼也沒有。但真正的謙遜不是一味推卻，而是按天主的恩寵，盡力回應。看看聖母，一介平凡女子，學問、能力、地位、財富皆欠奉，卻因天主的一句話，而以一生回應。她認為自己有能力承擔嗎？大概不是。不過，因為天主說可以，她以完全依賴天主的心，答允了天主的邀請。

記得到歐洲朝聖時，不少主教座堂的主教寶座之上，都有身穿主教禮服的靈魂於地獄受罰的壁畫，隨團神師解釋，這些畫是為了提醒主教，他們責任重大，如不謙遜修德，忠信服務，將來必不能向天主交賬。

想起近月來香港有關主教的爭議，雖暫因疫情而稍歇，唯總有面對的一天。誰是一個好主教呢？如果按天主喜愛聖母的標準，就是一個有德行的人，謙遜的人，迎難而上，為愛天主和教會，為救靈魂，以公義拯救受壓迫的，以真理堅強軟弱的，以愛感化無信的，以勇擊退惡意的，如聖母一樣，即使在任何困難前，即使在十字架之下，都緊守在基督身旁，也就是與基督的奧體—教會旁，共榮共辱。簡單而言，做一個主教要做的事，如聖母一樣，她永遠是我們的好母親。 #catholic #churchsupplies #christusrex #christthekingsupplies #hongkongcatholic #macaucatholic #liturgy #vatican #dioceseofhk #bishop #bishopappointment #annunciation #annunciationtotheblessedvirginmary #annunciationofourlady

【St Patrick’s Day】

好似好耐冇出過聖人post，喺呢一段抗疫期間教友雖然冇得親身去望彌撒，但都希望可以透過我哋提供嘅少少資訊，喺靈性同埋知識上面有所得益。而你睇過我哋今日所介紹嘅聖人之後，不妨都將呢一個小知識share畀一個朋友，等佢今日都學一樣新嘢。

言歸正傳，今日要介紹嘅聖人，佢嘅節日喺歐美國家會被瘋狂慶祝，但好可惜慶祝嘅重點已經再唔係放喺聖人自己身上，呢位係愛爾蘭嘅主保聖人聖博德St Patrick。

聖人小故仔 故仔1：其實聖人自己本身並唔係愛爾蘭人，佢係英格蘭人。喺佢16歲時候被人擄走咗去愛爾蘭做奴隸，負責看羊。聖人喺呢一段時間相當難過，喺自傳度咁樣講過，佢話聖神感動咗佢，佢每日白天祈禱超過100次，晚上祈禱超過100次。有一晚，喺睡夢間有人同佢講船已經準備好，叫佢返去英格蘭。就係咁，聖人終於可以返番去佢自己屋企。而相隔若干年後，聖人已經成為主教，並且要再次踏足愛爾蘭呢個地方。 故仔2： 聖人再次踏上愛爾蘭，今次佢要將成個愛爾蘭嘅異教徒皈依天主教會，當佢講到天主聖三嘅奧秘時，隨手見到地下有棵三葉草，週用咗呢棵三葉草去解釋天主聖三比呢一班異教徒聽，而三葉草之後亦都成為愛爾蘭嘅代表之一。 第二件事相傳聖人做過嘅就係將愛爾蘭島上面嘅蛇全部趕走，不過小編就見到好多人話當時愛爾蘭島上面其實係冇蛇嘅。第三樣關於聖人嘅事蹟就係相傳聖人寫落一篇禱文叫做St Patrick’s Breastplate，呢一篇禱文講述聖人對天主萬事嘅祈求，亦都記錄咗喺愛爾蘭嘅國寶Book of Armagh裏面。不過小編又見到好多人話其實篇禱文並唔係聖人寫㗎喎，不過唔緊要，呢篇禱文係小編嘅我的最愛之一，放條link睇到畀各位聽下，有埋字幕，幾好！https://youtu.be/gRHjyJCZFnM 同場加映：https://youtu.be/rs-EKnJMFls 今次同場加映想畀機會大家傳畀多啲人一齊學多啲嘢，所以特登喺youtube搵咗一個關於聖人一生嘅故事書，特意畀各位父母可以喺呢段時間同仔女一齊過一啲quality time，一齊學一啲聖人嘅生平事蹟。雖然呢本故事書係英文嘅，但係有真人發聲，亦都有標示讀到去邊度。父母同仔女一齊睇，既溫馨，又學到英文，真係美好。 今次小小哋介紹住咁多先，下次有機會再同大家講下愛爾蘭呢個天主教國家。 · #catholic #churchsupplies #christusrex #christthekingsupplies #hongkongcatholic #macaucatholic #liturgy #stpatrick #stpatricksday #bishop #ireland #clover #shamrock #stpatricksbreastplate