top of page
搜尋

【Saint Valentine's Day】

今日係情人節，又叫做Saint Valentine's Day，大家有無諗過情人節同我地有咩信仰關係呢？

Saint Valentine其實係教會聖人，你可能會話：無理由嘅，教區禮儀年曆都無見到有！

ree

的確，羅馬教會係1969年將Saint Valentine由羅馬禮儀年曆移走，因為教會對Saint Valentine知道嘅實際資料太少，但教會都繼續承認佢係一位殉道聖人。

歷史記載上其實有兩位Saint Valentine，一位係羅馬神父，另一位係Terni主教，但實際上都好難考究。雖然對Saint Valentine嘅記載唔多，但都留傳左一啲關於佢嘅事蹟。有提到聖人因教會被迫害而被捕，聖人被捕時仲繼續向法官Asterius宣講基督信仰。當時法官Asterius為考驗聖人嘅信仰，向聖人表示如果可以治癒佢一位雙目失明嘅女兒，就願意為聖人做任何事。聖人最後真係恢復左Asterius女兒嘅視力，Asterius之後仲打爛晒屋企所有偶像、守齋三日，最後全家都受洗入教。 另外一個事蹟係當時羅馬皇帝下令所有男子都要從軍並禁止婚嫁，但聖人唔理禁令，繼續為情侶主持婚姻聖事，最後就比皇帝下令斬首。 Saint Valentine帶比我地唔係商業化嘅情人節，而係比我地紀念Saint Valentine係一位肯為信仰、為真理、為愛去犧牲並殉道嘅聖人。 祈求我地係任何時候都可以堅守信仰、對抗社會上唔公義嘅事，同埋愛同關懷身邊有需要嘅人。 Saint Valentine, Pray for us. #catholic #churchsupplies #christusrex #christthekingsupplies #liturgy #stvalentinesday #stvalentine

 

【聖水治肺炎？】

尋日

朋友：「喂，你有無露德聖水？」 小編：「有呀，上次去露德裝咗兩三枝。咩事？」 朋友：「無呀，我諗緊如果我中咗肺炎，有無人可唔可以比枝我？」 小編：「......。到時我搵埋神父幫你傅油啦。😌」 今日2月11號是露德聖母的瞻禮，聖母曾在法國露德先後18次顯現給伯爾納德。隨後，露德這個地方變了一個熱門的朝聖地。相信大家都聽過「露德聖水」，因為曾經有病人到露德浸過聖水後疾病便痊癒了，所以在露德附近的聖物店都會有大大小小盛載聖水的容器售賣。

雖然教會承認曾經有人因為露德聖水的奇蹟治好了病，但在瘟疫時，除了靠了祈禱信靠天主外，也要注意個人衛生，預防自己感染疾病。 露德聖母，為我等祈。 #catholic #churchsupplies #christusrex #christthekingsupplies #hongkongcatholic #liturgy #lourdes #ourladyoflourdes

 

【聖保祿三木及同伴】

講返啲亞洲聖人大家有冇覺得親切感多啲？今日要講嘅係嚟自日本嘅聖保祿三木同埋佢嘅25位同伴。小小背景資料先：聖人係耶穌會修士，比佢早到日本卅幾年嘅係聖方濟各沙勿略，喺呢卅幾年間，日本受洗入教嘅人有成廿萬人。而佢嘅25位同伴當中就包括有：神父、修士、平信徒、方濟會士、耶穌會士、在俗方濟會成員、有讀書修士、有輔理修士、有老人家亦都有青年人 。

聖人小故仔 故仔1：聖人及同伴喺京都被豐臣秀吉下令斬左左耳之後再遊街示眾，圍觀嘅群眾發現聖人所著嘅並唔係武士嘅裝束，而係一件神職黑色長袍。呢一種對天主嘅忠貞，激發咗呢一班圍觀嘅群眾入教嘅信心。 故仔2：聖人及同伴之後比豐田秀吉下令要由京都徒步行九百幾公里去長崎受刑，而途中佢哋一行人雖然受盡艱苦，但咁樣更加鼓起佢哋嘅決心，沿途唱起讚主曲 Te Deum嚟。及至去到佢哋嘅受刑地方一一長崎一個山丘上面，聖人給同伴被綁喺十字架上，喺佢哋等緊死亡嘅一刻，大家唱匝加利亞讚歌讚美天主。而時辰一到，劊子手就用長矛將佢哋刺死。 同場加映：當年聖人及同伴受刑嘅地方，而家起咗一個叫日本二十六聖人紀念碑紀念呢26位聖人。而遠方同呢一個紀念碑對望嘅，就係日本國寶之一，正式名稱係日本二十六聖殉教者聖堂嘅大浦天主堂。

 

#天主教 #信仰 #禮儀 #聖母 #聖物

bottom of page