今日唔簡單呀。今日係2月2號，係聖誕節後第四十日，係紀念聖母奉獻耶穌於聖殿嘅日子。按梅瑟法律，每一個頭胎男子都係屬於天主嘅，出世之後第四十日就要去耶路撒冷獻俾天主，不過可以用祭獻嚟贖回。呢日亦都係教會一個好古老嘅節日。
節日小 Fun Facts Fun Fact 1：今日又叫聖燭節（Candlemas），彌撒前會祝聖蠟燭，跟住持燭遊行進堂。咁個意義係為乜呢？西默盎喺福音自己講咗，救主耶穌係啟示異邦嘅光明，而呢一個光明同世人嘅相遇，正正就係今日嘅意義，所以東方教會又叫今日做「相遇節」。 Fun Fact 2： 一九七零年前又稱聖母取潔瞻禮。按梅瑟法律，女人生產完係不潔嘅，生男嘅要守四十日潔血期，而生女呢，就要守八十日。不過聖母係至潔嘅，佢生耶穌唔會令佢不潔，所以佢去取潔都只不過係表示謙遜，循例履行法律規定儀式。 Side Fact：點樣取潔呢？不論生男生女，有錢的話，一隻一歲嘅羔羊做全燔祭，加一隻雛鴿或者一隻斑鳩做贖罪祭；無咁多錢的話呢，兩隻斑鳩或者兩隻雛鴿：一隻獻做全燔祭，一隻獻做贖罪祭。司祭會將祭品奉獻喺上主面前，為佢行贖罪禮，咁佢就潔淨喇。
武漢肺炎肆虐全球，來自中國嘅確診個案愈來愈多，香港人每日都好擔心同徬徨，大家最近都努力搵口罩、清潔用品，有地方甚至糧食都比人搶購一空，所以我地有少少嘅呼籲：
大家不妨主動關心身邊唔同人嘅需要，不論物資上或心靈上，例如仲有好多人因為唔夠口罩而要重複用，記得口罩只可以用一次，翻蒸返都唔可以重用架！！！
另外，大家都除左記住要洗手、洗手、洗手外，仲要祈禱、祈禱、祈禱！ 祈求天主賜智慧同仁愛比香港政府官員，等佢地可以急市民所急，放香港市民嘅福祉為首位，實施例如封關及讓香港市民及醫護有足夠口罩的政策等，盡力幫助香港人渡過呢場瘟疫。 其實教會仲有一位免疫主保嘅，佢就係聖羅格（St. Roch）啦！ 我地邀請大家一齊頌唸「聖人羅格除疫主保誦」：
天主，祢曾垂允聖羅格懇切之祈求，恩賜他作瘟病之主保；使凡因聖人之名，求他保佑者，俱得免疫症之害；我們懇求祢，恩賜我們因記念聖羅格聖人和他的功勞，賴他的轉求，除免我們神形諸疫。以上所求是靠我們的主基督。亞孟。 大聖羅格，請為我們祈禱。 #catholic #churchsupplies #christusrex #christthekingsupplies #hongkongcatholic #liturgy #stroch #prayforhongkong
就係真福雷永明神父(Blessed Gabriele Allegra OFM)啦，今日仲係佢嘅瞻禮日。雷神父係1907年於意大利西西里島出世，1923年加入方濟會，當佢知道當時仲未有一本完整嘅天主教中文聖經，就已經決定要去中國翻譯聖經。雷神父係1930年晉鐸後奉派往到中國湖南衡陽教區，隨即自學中文，並係1935年開始翻譯舊約。
雷神父翻譯聖經條路絕對唔平坦，例如雷神父曾因健康問題要返意大利休養。當時教宗庇護十一世知道雷神父正翻譯聖經，就曾經對衡陽教區主教話「請告訴這位神父：為一位祈禱工作和讀書的人，沒有什麼是不可能的事。告訴他，他將遭受許多的困苦，但是他不應該灰心！請他努力工作。雖然在這個世界上我不會看到他的工作完成，但是在天上，我會特別為他祈禱。」
雷神父1945年係北平創立「思高聖經學會」，奉痛苦聖母同方濟會士真福若望董思高為主保，係1948年遷移香港繼續譯經，1968年係香港出版首本中文聖經合訂本，雷神父並於1976係香港嘉諾撒醫院去世。 雷神父翻譯聖經絕對唔容易，但我地有無珍惜我地嘅聖經呢？有無每日閱聽聖言？ 希望大家時刻記起我地今日擁有嘅思高聖經係得來不易㗎！ 真福雷永明，為我等祈！ #catholic #churchsupplies #christusrex #christthekingsupplies #hongkongcatholic #liturgy #BlessedGabrieleAllegra #bible #catholicbible
#天主教 #信仰 #禮儀 #聖母 #聖物
