【你估邊個聖方濟各？】

聖方濟各．亞西西？聖方濟各．沙勿略？錯！今日1月24號係聖方濟各．沙雷氏嘅紀念日。前面兩位聖方濟各你可能會聽得多啲，不過其實聖方濟各．沙雷氏呢個名，你一早就已經遇到過，睇下下面就知點解。

聖人小 Fun Facts Fun Fact 1： 聖人致力教導信徒要成聖自己，認為成為聖人並唔係神職人員或者修道人嘅專利，所以聖人自己寫咗本書叫做《入德之門》，或者叫《成聖捷徑》，將成聖之道展示畀人所有人。 Fun Fact 2：教會後黎有另一位神父叫做若望．鮑思高，佢因為嚮慕聖方濟各．沙雷氏嘅溫良同埋熱心，所以創立咗以聖人為名嘅撒肋爵會（Society of Saint Francis de Sales），而呢個會嘅另外一個名，就係我哋熟悉嘅鮑思高慈幼會（Salesians of Don Bosco）

所以今日嘅重點就係你同我都可以係聖人，你同我都應該要成為聖人。 今次小小哋介紹住咁多先，下次有機會再同大家講。 · #catholic #churchsupplies #christusrex #christthekingsupplies #hongkongcatholic #liturgy #saints #francisdesales #bishop #geneva #salesians

【講講耶穌聖名節】

1月3號係「耶穌聖名節」(Most Holy Name of Jesus)，呢個節日可能少聽啲，不過今日亦係耶穌會慶祝「耶穌會會名節」(Titular Feast of the Society of Jesus) 嘅日子，係耶穌會嘅節日(Solemnity)。

耶穌聖名節小 Fun Facts Fun Fact 1： 你以為係耶穌會發明呢個節日？其實係當初由兩位方濟會士聖伯爾納定栖亞那同埋聖若望嘉庇當努力傳揚耶穌聖名敬禮開始，1530年羅馬宗座重特准方濟會每年（當時係1月2號）慶祝耶穌聖名節 Fun Fact 2：聖依納爵羅耀拉同佢嘅同伴當初想成立一個奉獻俾耶穌聖名嘅團體，而最後喺1540年獲得教宗保祿三世批准成立耶穌會 Fun Fact 3：教宗方濟各於2014年1月3日喺耶穌會母堂——Church of the Gesù耶穌堂，都係紀念耶穌聖名嘅教堂，同佢嘅一班耶穌會兄弟慶祝耶穌聖名節舉行彌撒，下面亦都有耶穌堂官網俾大家欣賞呢間教堂嘅細節 https://www.chiesadelgesu.org/la-chie…/archivio-fotografico/

另外小編早幾年就去過位於英國曼徹斯特耶穌會嘅耶穌聖名堂，都影左啲相同大家分享下﹗少少地講住咁多先，下次再同大家分享！

· #catholic #churchsupplies #christusrex #christthekingsupplies #hongkongcatholic #liturgy #solemnity #holyname #jesus #chiesadelgesu #jesuit @ Church of the Holy Name of Jesus, Manchester

【澳門天主之母堂】

話說之前Christ the King Supplies帶大家去過葡萄牙同西班牙，小編收到好多feedback都話好睇，重想我地寫多啲唔同地方嘅聖堂！咁襯住今日係天主之母節，就近近地同大家講下澳門天主之母堂啦！

澳門好多聖堂相信好多人都去過，但如果講澳門天主之母堂大家又知唔知係邊呢？其實就係大三巴啦！大三巴即係耶穌會係1594年創辦聖保祿學院，係遠東第一間西式大學，而天主之母堂就係附屬聖保祿學院。

我地而家見到嘅大三巴牌坊係天主之母堂嘅前壁，1835年嘅大火燒毀左聖保祿學院同天主之母堂，燒剩左聖堂嘅前壁同部份地基。而家我地都重可以清楚見到天主之母堂前壁嘅設計，例如係正門上就刻上 “MATER DEI” 即係「天主之母」。 講多少少有關「天主之母」，其實教會禮儀年曆係1月1日嘅慶祝係唔同時代都有啲變化。教會

早於七世紀就係1月1日慶祝「聖瑪利亞誕辰」，之後曾係1月1日慶祝「主受割損及出生八日慶期」；又曾改為「天主聖名節」；直到1969年嘅「羅馬年曆」正式稱為「天主之母聖瑪利亞節」。 慶祝「天主之母」更突顯出耶穌基督係真人真天主，我地今日特別請聖母為我們轉禱，祈求我地係新一年可加深對天主嘅愛，並讓我們藉著聖母更親近耶穌基督。 #catholic #churchsupplies #christusrex #christthekingsupplies #hongkongcatholic #liturgy #traditionalcatholic #motherofgod #materdei #macau #desaopaulo @ 澳門大三巴牌坊 Ruínas da Antiga Catedral De São Paulo