耶穌被釘十字架之後，到第三日復活之前，究竟去咗邊？宗徒信經入面有一句「我信他下降陰府，第三日從死者中復活 。」可能比到啲啟示我哋。耶穌點解要去陰府？佢去嗰度做啲乜？
・
我哋可以睇吓幅聖像畫，見到耶穌著住白色嘅衫，頭上戴住光環，腳踩住爛咗嘅地獄大門，將舊約入面嘅義人帶領出嚟。今日日課誦讀入面一篇講道詞都有提及：「起來吧！我們從這裡出去！仇魔曾把你引出地堂；而我如今要安置你的地方、不再是地上樂園，而是天上的寶座。」
・
除此之外 ，根據《伯多祿前書》，耶穌仲向所有地獄嘅靈魂宣講福音，令佢哋同後人一樣，有機會認識基督同埋聆聽福音。
・
所以，耶穌喺呢段時間去咗一轉地獄，雖然肉體被釘十字架而死，但耶穌卻用天主嘅能力去戰勝死亡同埋使人喪亡嘅魔鬼。小編覺得，呢個喺一個完美嘅破地獄。
・
Reference:
・
今日係聖週五，大家記得要守大小齋呀～
・
不過你係咪想問小編係咪玩嘢，今日守齋餓住個肚，做咩仲post咁多天婦羅嘅相呀？！因為今日就係想同大家講下天婦羅！大家知唔知天婦羅同我哋嘅信仰係有關係㗎？
・
天婦羅正式名稱係Tempura，其實係嚟自拉丁文Tempora，即係時間、時期嘅意思。而Tempora Quadragesima即係「四十天的時期」，即係四旬期。
・
相傳天婦羅係由葡萄牙傳教士去日本長崎傳教嘅時候，要搵啲守齋食得嘅嘢，就發明咗天婦羅出嚟啦！連天婦羅個名都係同四旬期有關嘅～
・
咁雖則天婦羅係食得嘅，食海鮮餐去守齋都得....不過今日想邀請大家食都盡量食啲簡單樸素嘅食物，一齊做好補贖同埋克己，好好準備自己去慶祝主基督嘅逾越奧蹟！
・
P.S. 邀請大家守齋守到去聖週六嘅至聖之夜逾越節守夜禮呀！
・
每年聖週四，禮儀結束時會「恭移聖體」，禮儀書寫咗：「領主後經後，直接把聖體請回聖體櫃或恭放祭台上，供教友靜默朝拜，默想山園祈禱；然後於適當時候，把聖體恭送回聖體櫃或小堂。」同平時隆重嘅聖體出遊唔一樣，我哋今晚只喺恭敬樸素地將聖體遷移到合適的地方。喺呢個時間，我哋靜靜地默想耶穌的苦難。馬爾谷福音記載耶穌講：「我的心靈悲傷得要死；你們留在這裡，且要醒寤。」，可見當時耶穌嘅心靈十分受煎熬。
・
今晚仲有另一特點，聖堂嘅裝飾應該喺簡單，使用嘅音樂也應該減少，呢個禮儀的安排是讓我們感受到這一晚「教會的新郎被劫去」。
・
經過一年多既疫情，我哋領聖體既機會已經斷斷續續「被劫去」一整年。我哋繼續祈禱，希望由今年聖週開始，我哋禮儀既生活慢慢恢復起來。
・
圖片來源：澳門教區社會傳播中心 CDMCS Macau
・
#天主教 #信仰 #禮儀 #聖母 #聖物
