top of page

【如果我們彼此相愛,天主就存留在我們內】


今日係聖瑪爾大、聖瑪利亞及聖拉匝祿呢三位聖人嘅紀念日。教宗方濟各係2021年採納了聖座禮儀及聖事部嘅建議,喺《羅馬禮儀通用日曆》中將把7月29日作為瑪爾大、瑪利亞和拉匝祿三位聖人嘅紀念日。係2021年之前,教會一直只有聖瑪爾大嘅紀念日。

當時嘅聖座禮儀及聖事部部長薩拉(Robert Sarah)樞機同秘書長羅奇(Arthur Roche)總主教係簽署嘅法令中解釋教宗呢項決定嘅原因,強調呢三位聖人作出咗「重要的福音見證」,佢哋「在家中款待上主、熱心聆聽祂的教導、相信祂是復活和生命」。

瑪爾大、瑪利亞同拉匝祿係親姐弟。佢哋同耶穌嘅互動係聖經中出現左兩次:一次係記載佢哋係伯達尼家中款待耶穌,瑪爾大殷勤服侍耶穌,而瑪利亞則專心聆聽耶穌;另一次係記載拉匝祿死後,兩姊妹為佢哋心愛嘅拉匝祿而懇切祈求耶穌,耶穌因而復活咗拉匝祿。瑪爾大、瑪利亞同拉匝祿之間嘅親情充滿著愛同關懷,所以耶穌就出現在佢哋中間。「如果我們彼此相愛,天主就存留在我們內;他的愛在我們內,才是圓滿的。」(若望一書 4:12)

瑪爾大嘅信德令人動容。瑪爾大對耶穌說:「若是祢在這裏,我的兄弟決不會死!就是現在,我也知道:祢無論向天主求什麼,天主必要賜給祢。」(若 11:21-22)她回答說:「是的,主,我信祢是默西亞,天主子,要來到世界上的那一位。」(若 11:27)

瑪利亞展示咗一個我哋信徒應有嘅祈禱態度。佢為咗接近耶穌,佢立刻放下手中嘅事情,因為佢唔願意錯過祂說嘅任何一句話。主回答她說:「瑪爾大,瑪爾大!你為了許多事操心忙碌,其實需要的惟有一件。瑪利亞選擇了更好的一分,是不能從她奪去的。」(路 10:41-42)

讓我哋透過今日呢個紀念日,效法三位聖人嘅聖德,強化對天父嘅信德,多啲關心身邊嘅人,讓耶穌住進我哋心中,令我哋得到圓滿。

聖瑪爾大、聖瑪利亞、聖拉匝祿,為我等祈!

35 次查看

最新文章

查看全部

Comments


bottom of page