喺香港，12月26日，過咗聖誕節之後嘅第一日，我哋會叫呢日做boxing day，會喺呢日拆禮物，但我哋又知唔知教會喺呢日慶祝啲咩？
教會喺12月26日慶祝首位殉道聖人聖斯德望。心水清嘅你可能會記得之前有一個主日嘅福音講到宗徒搵咗七位有良好聲望嘅人去處理事務，而聖人就係呢七位嘅其中一位。
聖人嘅生平我哋唔多喺呢度敍述，今日想同大家講下聖人嘅畫像。 以前有好多聖人為宣講真理而殉道，而係佢哋嘅畫像入面好多時候我哋都可以睇到聖人係點樣為教會殉道。喺聖斯德望嘅畫像入面睇到有幾塊石頭，我哋可以知道聖人當日係畀人行石刑用石頭掟死。下次我哋見到聖人畫像嘅時候就可以知道多一啲關於佢嘅背景。