如果問大家對聖多默宗徒嘅認識有幾多，我相信好多人第一時間就諗起聖多默係耶穌復活後所說嘅話「我除非看見👀他手上的釘孔，用我的指頭👆🏻，探入釘孔；用我的手🖐🏻，探入他的肋旁，我決不信。」耶穌復活後第一次顯現俾宗徒們嘅時候，聖多默恰巧不在場，所以佢嘅信仰隨住耶穌死後亦有所動搖。但當耶穌第二次顯現時，他勇於承認自己嘅錯，向耶穌高呼🗣🇺🇳「我主！我天主！」（若望福音20：24-29）
位於青衣嘅聖多默宗徒堂💒嘅聖堂大門，由十六幅銅畫，以三個主題組成，大門正中兩行係救恩史，由聖母領報展開序幕，繼後耶穌誕生、死亡、復活、多默認主、耶穌升天，最後以聖神降臨及多默死亡作結。相傳聖多默最後去咗印度🇮🇳傳教，最後係聖多默山（亦名 Big Mount）面對佢自己刻係石頭上嘅十字架祈禱時，被追殺佢嘅人由背後用長矛刺死（所以係聖多默嘅像中，常見佢一手攞長矛嘅原因）。因此，係幅銅畫中，係多默殉道嘅血🩸滴下嘅土地中，有一粒種子，正正係：「殉道者的血，是福傳的種子」之意。
佢嘅信仰歷程提醒我哋，係信仰上曾迷失並不稀奇，最重要係點樣尋回歸向上主嘅道路，繼續天主派俾我哋嘅福傳使命。 請聖多默宗徒為我哋代禱，讓我哋即使係人生低潮時亦不要忘記上主嘅臨在。 #catholic #churchsupplies #christusrex #christthekingsupplies #hongkongcatholic #macaucatholic #liturgy #stthomasfeastday #聖多默宗徒 #聖多默宗徒堂 #青衣 資料來源: https://theology.catholic.org.tw/…/l…/topics/arts/Thomas.htm http://www.stthomaschurch.org.hk/%E6%88%91%E5%80%91%E7%9A%…/