3世紀果陣，羅馬帝國定咗12月25號為「不敗之太陽神誕辰節日」。果陣嘅基督徒就將呢個節日「基督化」咗佢，話比大家知道耶穌先喺真正「不敗的太陽」。
12月25日呢個時間其實同冬至好近，冬至之後，日照時間就會慢慢愈嚟愈長。耶穌就好似「世界的光」（若 8:12），呢個光照亮黑夜，「黑暗決勝不過他」（若 1:5）。
今個聖誕，大家感受到呢個真光嗎？
top of page
搜尋
話咁快已經嚟到將臨期最後一個主日啦！你準備好未？
今年相信大家都好失望，因為今年同從前好唔同，連聖誕節都唔可以返聖堂，聖堂都唔可以開放去舉行子夜彌撒。其實今年嘅情況就可以俾我哋好好回想當年聖母同聖若瑟係白冷咁，搵極地方落腳嘅客棧都無，最後只好係馬槽。
不過大家又放心，天主係言出必行嘅天主，但天主睇嘅嘢同我哋世俗嘅好唔同，好似天主係今日讀經一向達味許諾「你的家室和王權，在我面前永遠存在；你的王位也永遠堅定不移。」，但實際上之後王國又分裂又俾人吞併等，但係咪天主唔守諾言呢？其實係天主嘅說話係耶穌身上完成！
所以而家嘅唔開心、失望係正常，但都要信賴天主，繼續祈禱！記得聖誕節亦唔會因為外在嘅環境而影響當中嘅意義！
唔知大家有冇聽過「教會聖師」呢個名？就請教會今日紀念一位聖師聖十字若望，我哋認識一下咩係聖師。
就咁聽聖師可能大家唔係好知係咩，睇睇聖師嘅英文先：Doctor of the Church，呢個Doctor唔解做醫生，係博士，學識淵博、知識豐富之士。
咁係咪所有奉教嘅、有學識嘅就稱得上「教會聖師」？原來天主教會二千幾年歷史當中，只有36位聖人被尊為「教會聖師」，一生突出而神聖，喺神學或教義上要有卓越貢獻，包括佢哋嘅著作要有非常出色、佢哋嘅教導必須要超越時空，不淨只影響某一時代，而係時至今日對普世教會仲係有深遠影響，最後有晒呢啲證據之後就會由教宗以普世教會嘅益處去決定。
除咗今日紀念嘅聖十字若望之外，大家認識嘅教會聖師仲有：撰寫《神學大全》嘅聖多瑪斯．亞奎納、失物主保聖安多尼、同聖十字若望見過面，一齊改革修會嘅聖女大德蘭等等。
#天主教 #信仰 #禮儀 #聖母 #聖物
bottom of page