九摺布叫Corporal，同corpus（即身體）有關，其實係指聖體。喺彌撒聖祭禮嘅時候，神父都會首先將九摺布打開，鋪咗喺祭台上面，然後先放上聖爵，以防止聖體碎屑散落周圍。
．
而中文名九摺布係取自於佢嘅摺法，佢係由一塊四方嘅麻布上下內摺成三份，之後再左右內摺三份，總共九摺。
．
其實係傳統嘅彌撒聖祭祭器入面(圖1），除咗而家常見嘅祭器，仲有聖袱、聖囊。聖袱係聖袱與祭衣同色的方形布，用以覆蓋聖爵；而聖囊係彌撒中放九摺布用的布質盒子，不過現時唔常見。
．
而家喺我哋網站都有圖2入面Angus Dei及IHS兩款九摺布套裝俾大家選購，每款套裝包括咗九摺布x1、有圖案聖血布x1、純白聖血布x1及聖蓋x1。
．
．
聖喬治，看似同我哋生活冇咩交集，但你又估唔估到喺我哋日常生活最常接觸到關於聖喬治嘅東西？當然每人都有自己嘅答案，但熟悉歐洲足球嘅你又知唔知，英格蘭國旗正正就係一面聖喬治十字旗？我哋即刻帶大家一齊去認識下呢位聖人。
．
話說喺公元303年，羅馬皇帝逼害基督徒，聖喬治喺廣場上呼籲基督徒要堅守信仰，就咁就被當地總督抓捕處決。傳說聖喬治被捕之後受盡酷刑，但係都冇受傷，到行刑嗰陣時，天空仲因為聖人升天而變成金黃色。
．
聖喬治令人驚艷嘅仲有一個傳說（留意：係傳說，當故仔聽下就可以）：聖喬治屠龍
又話說喺利比亞嘅一個沼澤有一條毒龍，嗰度嘅居民每日都要貢兩隻羊俾條龍，後來貢到冇晒羊就要抽籤搵人嚟代替隻羊。有一日，國王個女兒抽中，咁當佢行緊落去個沼澤度準備俾條龍食嘅時候，聖喬治剛剛行到，於是乎就即刻攞起支長矛，一嘢插落條龍個口度，啲血流到一地都係，慢慢形成咗個血紅嘅十字。
．
故事就講完，不過傳說還傳說，聖人當日叫我哋要堅守信仰又確實係到今時今日都應該要做嘅事，希望今日少少嘅分享能夠堅固到大家對信仰嗰一份執著，仗賴上主嘅聖名繼續做上主所喜悅嘅事。
．
愛丁堡公爵菲臘親王係4月9日離世，並於剛剛英國時間下午三點舉行咗殯葬禮儀。
．
雖然因疫情影響，參與禮儀嘅人唔多，連歌詠團都係得幾位，但剛才嘅禮儀都讓小編一路參與為菲臘親王祈禱，並一路欣賞當中嘅禮儀及聖樂。
．
原來剛才嘅讀經係由菲臘親王生前親自挑選，包括聖若望福音，當中提到「耶穌對她說：『我就是復活，就是生命；信從我的，即使死了，仍要活著；凡活著而信從我的人，必永遠不死。你信麼？』。
．
讓我哋特別為菲臘親王嘅靈魂祈禱，亦為皇室成員特別係英女皇祈禱，求主保守及安慰他們，並能繼續依靠上主。
．
BBC 重播：https://youtu.be/LL55C3pgiEo
．
#天主教 #信仰 #禮儀 #聖母 #聖物
